నాగ్ అశ్విన్ నిర్మాణంలో ‘సింగ్ గీతం’పై భారీ అంచనాలు

లెజెండరీ దర్శకుడు సింగీతం శ్రీనివాసరావు ప్రతిష్టాత్మక ప్రాజెక్ట్ ‘సింగ్ గీతం’ నుంచి ‘హలో బాసు’ పాటను మేకర్స్ విడుదల చేశారు. సంగీతం, ఫాంటసీ కలయికలో రూపొందుతున్న ఈ చిత్రం ఇప్పటికే టీజర్‌తో మంచి స్పందనను అందుకుంది. వైజయంతి మూవీస్, స్వప్న సినిమాస్ బ్యానర్లపై నాగ్ అశ్విన్ నిర్మిస్తున్న ఈ సినిమాపై భారీ అంచనాలు ఉన్నాయి.

ఈ పాట పూర్తిగా ఫన్‌ఫుల్ ఎనర్జీతో ఆకట్టుకుంటోంది. దేవి శ్రీ ప్రసాద్ సంగీతం అందించగా, వంశీ, ఆర్.పీ. కృష్ణాంగ్ గాత్రం పాటకు ప్రత్యేక వైబ్ తీసుకొచ్చింది. ట్రెండీ లిరిక్స్‌తో ఈ సాంగ్ యూత్‌ను ఆకట్టుకుంటోందని యూనిట్ తెలిపింది.

సాంగ్ లాంచ్ ఈవెంట్‌లో నాగ్ అశ్విన్ మాట్లాడుతూ ఇది చాలా ప్రత్యేకమైన, కొత్త ఎక్స్‌పెరిమెంట్ సినిమాగా తెలిపారు. ‘జాతిరత్నాలు’ తర్వాత తాను నిర్మిస్తున్న సినిమా ఇదేనని, ప్రేక్షకులు ఈ చిత్రాన్ని కూడా అదే స్థాయిలో ఎంజాయ్ చేస్తారని ఆశిస్తున్నట్లు చెప్పారు. వచ్చే నెల 11 న ఈ చిత్రం ప్రపంచవ్యాప్తంగా విడుదల కానుంది.