ఎఫ్1 బ్లాక్‌బస్టర్‌కు సీక్వెల్ ప్లాన్‌లు మొదలయ్యాయా?

ఇటీవలి కాలంలో టాలీవుడ్‌ నుండి హాలీవుడ్‌ వరకూ సీక్వెల్స్, ప్రీక్వెల్స్ ట్రెండ్ బాగా పెరిగింది. ఏ సినిమా భారీ హిట్ అయితే, వెంటనే ఆ క్రేజ్‌ను ఉపయోగించుకోవడానికి సీక్వెల్ లేదా ప్రీక్వెల్ అనౌన్స్ చేసే పరిస్థితి కనిపిస్తోంది. ఇప్పటికే అనేక సినిమాలకు సీక్వెల్స్ వచ్చి కొన్నివి హిట్లు సాధించగా, మరికొన్నివి మాత్రం ఆశించిన స్థాయిలో నిలువలేకపోయాయి.
ఇప్పుడు ఇదే జాబితాలో మరో భారీ విజయం సాధించిన చిత్రం ఎఫ్1 (F1) కూడా చేరబోతోంది. ప్రపంచవ్యాప్తంగా విశేషమైన విజయాన్ని నమోదు చేసిన ఈ చిత్రానికి సీక్వెల్ ప్లాన్లు జరుగుతున్నాయని దర్శకుడు జోసెఫ్ తాజాగా ధృవీకరించారు. ప్రస్తుతానికి ఈ ప్రాజెక్ట్ చర్చలు ప్రారంభ దశలో ఉన్నాయని, రాబోయే సీక్వెల్ కథ సోనీ హేస్ మరియు అపెక్స్ GP చుట్టూ తిరగవచ్చని ఆయన సూచించారు.
అకాడమీ గవర్నర్ అవార్డుల కార్యక్రమంలో పాల్గొన్న జోసెఫ్ మాట్లాడుతూ — “ఎఫ్1కు సీక్వెల్ చేస్తే ఎలా ఉంటుంది? అనే చర్చలు జరుగుతున్నాయి. ఈ సినిమాకు ప్రపంచం ఇచ్చిన స్పందన చూసి మేమంతా చాలా హ్యాపీగా ఉన్నాం. మంచి కథ దొరికితే వెంటనే ముందుకు వెళ్తాం” అని తెలిపారు. ఫ్యాన్స్ కూడా గతంలో ఎఫ్1 చూసిన వెంటనే సీక్వెల్ కోసం భారీ డిమాండ్ పెట్టారు.
జోసెఫ్ మాటలను బట్టి చూస్తే త్వరలోనే ఈ సీక్వెల్‌పై అధికారిక అనౌన్స్‌మెంట్ వచ్చే అవకాశం బాగానే ఉంది. ఇంకా సెట్స్‌పైకి వెళ్లకముందే ఎఫ్1 సీక్వెల్‌కు మంచి క్రేజ్ ఏర్పడింది. సినిమా ప్రారంభమైన వెంటనే ఈ ప్రాజెక్ట్‌పై భారీ అంచనాలు ఊపందుకునే అవకాశం ఉంది.