హర్ష రోషన్ కొత్త సినిమా ప్రారంభం

వరుస సినిమాలతో ప్రేక్షకులను అలరిస్తున్న యువ హీరో హర్ష రోషన్ మరో కొత్త ప్రాజెక్ట్‌కు సిద్ధమయ్యాడు. లెజెండరీ దర్శకుడు ఈ.వి.వి. సత్యనారాయణ స్థాపించిన ఈవీవీ బ్యానర్‌పై ఆయన తనయుడు ఆర్యన్ రాజేష్, నిర్మాత ఎన్.వి. కృష్ణారెడ్డితో కలిసి ఈ చిత్రాన్ని నిర్మిస్తున్నారు. నిజ జీవిత కథ ఆధారంగా తెరకెక్కుతున్న ఈ ఇంటెన్స్ లవ్ డ్రామాలో హర్ష రోషన్ సరసన ప్రియాంక ఆచర్ హీరోయిన్‌గా నటిస్తోంది.

ఈ చిత్రానికి అరుణ్ బాలాజీ, శ్రీ రంజని సంయుక్తంగా దర్శకత్వం వహిస్తున్నారు. భావోద్వేగాలు, సంబంధాల నేపథ్యంతో రూపొందుతున్న ఈ ప్రేమకథ తాజాగా శుభ ముహూర్తంలో పూజా కార్యక్రమంతో ప్రారంభమైంది. త్వరలోనే రెగ్యులర్ షూటింగ్ ప్రారంభం కానుందని మేకర్స్ వెల్లడించారు. ఈవీవీ సినిమా, ఎన్‌వీఆర్ ఎంటర్‌టైన్‌మెంట్స్ సంయుక్తంగా నిర్మిస్తున్న ఈ చిత్రం బలమైన కథనం, వాస్తవికతతో ప్రేక్షకులను ఆకట్టుకుంటుందని టీమ్ నమ్మకం వ్యక్తం చేసింది.