శామ్‌దత్ డైరెక్షన్‌లో డోంట్‌స్లీప్.. ఫస్ట్ లుక్ రిలీజ్

తెలుగు సినీ పరిశ్రమలో సినిమాటోగ్రాఫర్‌గా మంచి పేరు తెచ్చుకున్న శామ్‌దత్ ఇప్పుడు దర్శకుడిగా కొత్త ప్రయాణం మొదలుపెడుతున్నారు. తండేల్, విరూపాక్ష, ఉప్పెన, ప్రస్ధానం వంటి హిట్ చిత్రాలకు డైరెక్టర్ ఆఫ్ ఫోటోగ్రఫీగా పనిచేసిన ఆయన, ఇప్పుడు డోంట్ స్లీప్ అనే చిత్రంతో తెలుగులో దర్శకుడిగా అరంగేట్రం చేస్తున్నారు. ఇంతకు ముందు మలయాళంలో మమ్ముట్టి ప్రధాన పాత్రలో వచ్చిన ‘స్ట్రీట్ లైట్స్’ చిత్రాన్ని కూడా శామ్‌దత్ తెరకెక్కించారు. తన ప్రత్యేకమైన విజువల్ స్టైల్, కథ చెప్పే విధానంతో ఈసారి కూడా కొత్త అనుభూతిని అందించనున్నట్లు తెలుస్తోంది.

శామ్‌దత్ పుట్టినరోజు సందర్భంగా డోంట్ స్లీప్ చిత్ర ఫస్ట్ లుక్‌ను విడుదల చేశారు. ఇది తెలుగులో అరుదుగా కనిపించే సైకాలజికల్ థ్రిల్లర్‌గా రూపొందుతోంది. ప్రేక్షకులకు విభిన్నమైన, ఉత్కంఠభరితమైన అనుభవాన్ని ఇవ్వబోతుందని చిత్రబృందం తెలిపింది.