‘మా ఇంటి బంగారం’ సందడి మొదలు.. నేడు గ్రాండ్ ప్రీ రిలీజ్ వేడుక

స్టార్ హీరోయిన్ సమంత ప్రధాన పాత్రలో నటించిన ‘మా ఇంటి బంగారం’ చిత్రం జూన్ 19న ప్రపంచవ్యాప్తంగా విడుదలకు సిద్ధమవుతోంది. నందిని రెడ్డి దర్శకత్వం వహించిన ఈ చిత్రానికి సంబంధించిన ప్రీ రిలీజ్ ఈవెంట్‌ను జూన్ 15 సాయంత్రం 6 గంటలకు హైదరాబాద్‌లోని ఐటీసీ కోహినూర్‌లో నిర్వహించనున్నట్లు చిత్రబృందం అధికారికంగా ప్రకటించింది. ఈ కార్యక్రమంలో చిత్ర యూనిట్ సభ్యులు పాల్గొననుండగా, అభిమానుల్లో సినిమా పట్ల మరింత ఆసక్తి పెరుగుతోంది.

విడుదలకు ముందే ఈ చిత్రంపై మంచి అంచనాలు నెలకొన్నాయి. విడుదల అనంతరం సానుకూల స్పందన లభిస్తే భారీ కలెక్షన్లు సాధించే అవకాశముందని సినీ విశ్లేషకులు భావిస్తున్నారు. చాలా కాలం తర్వాత సమంత నటించిన ఈ చిత్రంలో గుల్షన్ దేవయ్య, గౌతమి, దిగంత్, శ్రీముఖి కీలక పాత్రలు పోషించారు. త్రలాల మూవింగ్ పిక్చర్స్ బ్యానర్‌పై రాజ్ నిడిమోరు, సమంత, హిమాంక్ రెడ్డి దువ్వూరు నిర్మించిన ఈ చిత్రానికి సంతోష్ నారాయణన్ సంగీతం అందించారు.