డైరెక్టర్స్ ఆసోసియేషన్ సమక్షంలో ఘనంగా గూగుల్ మై ఫ్రెండ్ మూవీ సాంగ్స్ లాంఛ్

ప్రణవ్ రావ్ రాణి, ప్రజక్త గైక్వాడ్ జంటగా నటిస్తున్న చిత్రం గూగుల్ మై ఫ్రెండ్. ఈ సినిమాను డాలర్స్ మీడియా అండ్ ఎంటర్‌టైన్‌మెంట్ బ్యానర్‌ పై దివాకర్ రెడ్డి నిర్మిస్తున్నారు. గోవింద్ వరాహ దర్శకత్వం వహిస్తున్నారు. తాజాగా ఈ చిత్ర సాంగ్స్‌ను దర్శకుల సంఘం సమక్షంలో ఘనంగా విడుదల చేశారు. వీఎన్ ఆదిత్య, సాయిరాజేశ్, వి సముద్ర, శైలేష్ కొలను, కొండా విజయ్ కుమార్ పాల్గొని చిత్రానికి శుభాకాంక్షలు తెలిపారు.ఈ సందర్భంగా దర్శకులు మాట్లాడుతూ సినిమా కంటెంట్ ప్రామిసింగ్‌గా ఉందని, తెలుగు మరియు మరాఠీ భాషల్లో విడుదలవుతున్న ఈ చిత్రం మంచి విజయాన్ని సాధించాలని ఆకాంక్షించారు.

దర్శకుడు గోవింద్ వరాహ మాట్లాడుతూ, పలు భాషల్లో సినిమాలు చేస్తున్నప్పటికీ తెలుగు చిత్రాలకు మరింత ప్రాధాన్యం ఇస్తానని తెలిపారు. నిర్మాతల సహకారంతో ఈ సినిమా రూపొందించామని చెప్పారు. ఈ చిత్రం త్వరలో తెలుగు, మరాఠీ భాషల్లో గ్రాండ్ థియేట్రికల్ రిలీజ్‌కు రానుంది.