విజయ్‌ను చూడగానే భావోద్వేగానికి గురైన అభిమాని!

టీజీ20 లీగ్ ఫైనల్ మ్యాచ్ సందర్భంగా టోర్నమెంట్ బ్రాండ్ అంబాసిడర్‌గా హైదరాబాద్ ఉప్పల్ రాజీవ్ గాంధీ అంతర్జాతీయ క్రికెట్ స్టేడియానికి వచ్చిన విజయ్ దేవరకొండకు అభిమానుల నుంచి ఘన స్వాగతం లభించింది. ఈ సందర్భంగా తన అభిమాన హీరోను దగ్గరగా చూసిన ఓ యువ అభిమాని భావోద్వేగానికి లోనై కన్నీళ్లు పెట్టుకుంటూ, తాను మంచి క్రికెటర్‌నని, తనకు అండగా నిలవాలని విజయ్‌ను వేడుకున్నాడు.

అభిమాని భావోద్వేగాన్ని గమనించిన విజయ్ దేవరకొండ వెంటనే అతన్ని హత్తుకుని ఓదార్చారు. అతని వివరాలు తెలుసుకుని సహాయం చేస్తానని భరోసా ఇచ్చారు. ఈ హృదయాన్ని హత్తుకునే ఘటనకు సంబంధించిన వీడియో సోషల్ మీడియాలో వైరల్‌గా మారింది. సినిమాలతో పాటు ‘దేవరశాంటా’ వంటి సేవా కార్యక్రమాలు, విద్యార్థులకు అందిస్తున్న సహాయంతో విజయ్ దేవరకొండ ఇప్పటికే అభిమానుల మనసుల్లో ప్రత్యేక స్థానం సంపాదించుకున్నారు.