ఒక్క మెసేజ్‌కు 5 లక్షలు పంపిన దర్శకుడు?

నటి గాయత్రీ గుప్తా తాజాగా ఓ ఇంటర్వ్యూలో తన వ్యక్తిగత జీవితం, ఆరోగ్య సమస్యల గురించి భావోద్వేగంగా మాట్లాడారు. చిన్నప్పటి నుంచే తనకు ప్రేమ, ఆప్యాయతలు ఎక్కువగా లభించలేదని, ఆ కారణంగా మానసికంగా ఎన్నో ఇబ్బందులు ఎదుర్కొన్నానని తెలిపారు. ఆ సమస్యల ప్రభావంతో ఆరోగ్యం దెబ్బతిందని, వెన్నుముక కూడా వంగిపోయిందని వెల్లడించారు. వైద్యులను సంప్రదించినప్పటికీ తన సమస్యను పూర్తిగా గుర్తించలేకపోయారని చెప్పారు.

ఈ సందర్భంగా దర్శకుడు సందీప్‌ రెడ్డి వంగా చేసిన సహాయాన్ని గాయత్రీ గుర్తు చేసుకున్నారు. తన ఆరోగ్య పరిస్థితి గురించి సందీప్ రెడ్డి వంగాకు సందేశం పంపానని, అది చూసిన వెంటనే ఆయన రూ.5.5 లక్షలు పంపి సహాయం చేశారని తెలిపారు. తాను ఎప్పుడూ ఆరోగ్యకరమైన ఆహారమే తీసుకుంటానని, అయినప్పటికీ ఎందుకు ఇలాంటి సమస్యలు వచ్చాయో ఇప్పటికీ అర్థం కావడం లేదని ఆమె ఆవేదన వ్యక్తం చేశారు.