ధురంధర్ 2 కి 3 వేల కోట్ల కలెక్షన్స్

భారతీయ చలనచిత్ర చరిత్రలో సరికొత్త అధ్యాయం లిఖించబడింది. బాలీవుడ్ స్టార్ రణవీర్ సింగ్, దర్శకుడు ఆదిత్య ధర్ కాంబినేషన్‌లో వచ్చిన ధురంధర్ ఫ్రాంచైజీ ప్రపంచవ్యాప్తంగా రూ.3000 కోట్ల క్లబ్‌లో చేరిన తొలి భారతీయ ఫిల్మ్ సిరీస్‌గా చరిత్ర సృష్టించింది. 2025 డిసెంబర్ 5న విడుదలైన మొదటి భాగం ప్రారంభంలో నెమ్మదిగా మొదలైనా, బలమైన కంటెంట్ మరియు రణవీర్ సింగ్ ఎనర్జీతో రూ.1307.35 కోట్ల భారీ వసూళ్లు సాధించింది.

సీక్వెల్ ధురంధర్ 2 ది రివెంజ్ అంచనాలను మించి ఈ రోజు నాటికి రూ.1763 కోట్లకు పైగా వసూలు చేసి సంచలనం సృష్టించింది. భారతదేశంలో నెట్ వసూళ్ల పరంగా రూ.1000 కోట్ల మార్క్ దాటిన తొలి హిందీ చిత్రంగా రికార్డు సృష్టించింది. పుష్ప 2, బాహుబలి 2 ది కన్‌క్లూజన్ రికార్డులను అధిగమిస్తూ, మొత్తం రూ.3070 కోట్లతో ధురంధర్ ఫ్రాంచైజీ నంబర్ 1 స్థానానికి చేరుకుంది. బలమైన కథనం, అద్భుతమైన నటనతో భారతీయ సినిమా గ్లోబల్ స్థాయిలో తన సత్తా మరోసారి నిరూపించింది.