టికెట్ బుకింగ్స్‌లో ట్రెండ్ సెట్ చేసిన 'కపుల్ ఫ్రెండ్లీ'

సంతోష్ శోభన్, మానస వారణాసి జంటగా నటించిన తాజా ప్రేమకథా చిత్రం “కపుల్ ఫ్రెండ్లీ” ప్రేక్షకుల ఆదరణతో విజయవంతంగా ప్రదర్శితమవుతోంది. విడుదలైన మొదటి వారం తర్వాత కూడా ఈ చిత్రం మంచి వసూళ్లతో ముందుకు సాగుతూ, ఎనిమిదో రోజు తొలి రోజు కంటే ఎక్కువ ఆదాయం సాధించడం విశేషం. ప్రేక్షకుల నుంచి వస్తున్న స్పందనతో రెండో వారంలోనూ ఈ సినిమా విజయయాత్ర కొనసాగుతోంది.

టికెట్ విక్రయాల్లో ఈ చిత్రం భారీ స్పందన సాధించి లక్షకు పైగా టికెట్ల అమ్మకాలను దాటింది. తెలుగు, తమిళ భాషల్లో రూపొందిన ఈ చిత్రాన్ని ప్రముఖ నిర్మాణ సంస్థ యూవీ క్రియేషన్స్ నిర్మించగా, ఆకట్టుకునే కథ, సంగీతం, భావోద్వేగాలతో కుటుంబ ప్రేక్షకులను విశేషంగా అలరిస్తోంది. రెండో వారంలో కూడా మంచి వసూళ్లు సాధించే అవకాశాలు కనిపిస్తున్నాయి.