శాంతంలో శ్రీరాముడు… శక్తిలో రుద్రుడు : మహేష్ మాస్ లుక్ వైరల్

హైదరాబాద్‌లో జరిగిన గ్లోబ్‌ట్రాటర్ ఈవెంట్‌లో రాజమౌళి తన కొత్త సినిమాకు “వారణాసి” అని టైటిల్ పెట్టారని ప్రకటించారు. విడుదల చేసిన చిన్న వీడియోలో మహేష్ బాబు శివుడి రుద్ర రూపంలో కనిపించారు. అదే సమయంలో సినిమాలో ఒక భాగంలో ఆయనకి శ్రీరాముడి గెటప్ కూడా పెట్టించామని రాజమౌళి చెప్పారు.

మహేష్‌ను రాముడి వేషంలో చూడగానే తనకే గూస్‌బంప్స్ వచ్చాయని రాజమౌళి తెలిపారు. మొదట మహేష్ రాముడి పాత్రకు కుదిరుతాడా అన్న సందేహం ఉన్నప్పటికీ, ఫోటోషూట్ చేసిన తర్వాత ఆయన అద్భుతంగా కనిపించాడని చెప్పారు.

ఈ ప్రత్యేక ఎపిసోడ్‌ని షూట్‌ చేయడానికి 60 రోజులు పట్టిందని రాజమౌళి వెల్లడించారు. ప్రతి భాగం ఒక చిన్న సినిమాలా తీసినట్టు చెప్పారు. మహేష్ ఈ సినిమాలో చాలా రూపాల్లో కనిపిస్తాడని — కొన్నిసార్లు శాంతంగా, కొన్నిసార్లు కోపంగా, మరోసారి యోధుడిగా కనిపిస్తాడని అన్నారు.

మొదటి గ్లింప్స్‌లో మహేష్ త్రిశూలం పట్టుకుని, నందీశ్వరుడిపై దూసుకెళ్తున్న యోధుడి లుక్ ఇప్పటికే సోషల్ మీడియాలో వైరల్ అవుతోంది. మహేష్‌ను ఇలా పవర్‌ఫుల్‌గా చూపించడం అభిమానుల్లో భారీ ఎక్స్‌సైట్మెంట్‌ కలిగిస్తోంది.