బ్లాక్‌బస్టర్ సిద్ధమా? పరిమితులని మించిన కృషి!

ఉప్పెన సినిమాతో బుచ్చిబాబు సనా  దర్శకుడిగా అరంగేట్రం చేశారు,  ఆయన ప్రతిభ చూసి ఇండస్ట్రీ ఎంతో అభిమానం వ్యక్తం చేసింది. రెండో సినిమా అయినప్పటికీ, మెగా పవర్ స్టార్ రామ్ చరణ్‌తో పనిచేసే అద్భుత అవకాశం ఆయనకు లభించింది, దీన్ని సద్వినియోగం చేసుకోవాలనుకుంటున్నట్టు కనిపిస్తోంది. పెద్దికి సంబంధించిన అన్ని ప్రోమో షూట్‌లు చాలా ఉత్సాహభరితంగా ఉండటంతో, సినిమా మీద అంచనాలు మరింత పెరిగాయి. రామ్ చరణ్ పుట్టిన రోజు కానుకగా ఈ సినిమాను వచ్చే ఏడాదిలో రిలీజ్ చేయాలని టీమ్ నిర్ణయించిందని ఇప్పటికే తెలిసిందే.

మార్చి 27 రామ్ చరణ్ పుట్టిన రోజు, మరియు ముందు రోజు శ్రీరామనవమి కావడంతో, పెద్దిని ఆ రోజే రిలీజ్ చేయాలని టీమ్ భావిస్తోంది. పెద్ది షూటింగ్ మంచి ఉత్సాహంతో సాగిపోతున్నప్పటికీ, టీమ్‌లో చిన్న డిస్టర్బెన్స్ చోటు చేసుకున్నట్లు సమాచారం. సినిమాలకు జీవం పెట్టి పని చేసే బుచ్చిబాబు అస్వస్థతకు గురయ్యాడు. సినిమాపై పూర్తిగా దృష్టి పెట్టి తిండి తినకపోవడం, నిద్రపోకపోవడం వలన అతను అసౌకర్యంగా ఉన్నాడు.

సాధారణంగా శారీరకంగా వీక్‌గా కనిపించే బుచ్చిబాబు, తిండి, నిద్ర లేకపోవడం వల్ల మరింత బలహీనంగా మారాడు. ఈ విషయాన్ని రామ్ చరణ్ తెలుసుకున్న తర్వాత, ఆరోగ్యం అత్యంత ముఖ్యమని చెప్పి, షూటింగ్ కొన్ని రోజులపాటు ఆపి బుచ్చిబాబుకు విశ్రాంతి ఇచ్చాడు. ఆ తర్వాత షూటింగ్ ప్రారంభమైంది. అయితే, బుచ్చిబాబు ఇంకా వీక్‌గా ఉన్నాడని సమాచారం. ఆయన కృషి చూసి టీమ్ ఆశ్చర్యపోతోంది, రామ్ చరణ్ కోసం బ్లాక్ బస్టర్ ఇవ్వాలనే తపనతో పని చేస్తున్నాడని తెలుసుకుని, మెగా అభిమానులు అతనిపై ప్రశంసల వర్షం కురిపిస్తున్నారు.