‘డెకాయిట్‌’ నుంచి మరో హిట్ ట్యూన్.. ‘చిచ్చు బుడ్డి’ సెకండ్ సింగిల్ రిలీజ్

అడివి శేష్, మృణాల్‌ ఠాకూర్‌ జంటగా నటిస్తున్న రొమాంటిక్‌ యాక్షన్‌ థ్రిల్లర్‌ చిత్రం ‘డెకాయిట్‌’. ఈ చిత్రానికి షానియల్‌ డియో దర్శకత్వం వహిస్తున్నారు. అనురాగ్‌ కశ్యప్‌ కీలక పాత్రలో కనిపించనున్నారు. సుప్రియా యార్లగడ్డ నిర్మిస్తున్న ఈ సినిమాను అన్నపూర్ణ స్టూడియోస్‌ సంస్థ సమర్పిస్తోంది.

ఇప్పటికే చిత్రీకరణ పూర్తైన ఈ సినిమా ఏప్రిల్‌ 10న ప్రేక్షకుల ముందుకు రానుంది. ఈ సందర్భంగా చిత్ర బృందం ఇందులోని ‘చిచ్చు బుడ్డి’ అనే పాటను విడుదల చేసింది. ఈ పాటకు భీమ్స్‌ సిసిరోలియో సంగీతం అందించగా, భాస్కరభట్ల రవికుమార్‌ సాహిత్యం రాశారు. జొనిత గాంధీ, రామ్‌ మిర్యాల ఈ గీతాన్ని ఆలపించారు.