అనన్య పాండే ట్రోలింగ్‌పై గట్టి స్పందన..

బాలీవుడ్ నటి అనన్య పాండే నటించిన ‘చాంద్ మేరా దిల్’ సినిమాలోని ఒక భరతనాట్యం డ్యాన్స్ సీన్ సోషల్ మీడియాలో తీవ్ర వివాదానికి దారితీసింది. ఈ క్లిప్స్ వైరల్ అవ్వడంతో కొంతమంది నెటిజన్లు, రాజకీయ నాయకులు, కళాకారులు ఆమె సంప్రదాయ నృత్యాన్ని అవమానించిందని విమర్శలు చేశారు. ఈ అంశంపై మీమ్స్ కూడా పెద్ద ఎత్తున చక్కర్లు కొట్టాయి.

తాజాగా ఈ వివాదంపై అనన్య పాండే స్పందిస్తూ, ట్రోలింగ్‌ను ఇక పట్టించుకోనని, నెగిటివిటీ నుంచి బయటపడ్డానని చెప్పింది. ప్రతి ఒక్కరూ తమను తాము పరిశీలించుకోవాలని, పాజిటివిటీపై దృష్టి పెట్టాలని ఆమె వ్యాఖ్యానించింది. అయితే ఆమె వ్యాఖ్యలపై నెటిజన్లలో మిశ్రమ స్పందనలు వ్యక్తమవుతున్నాయి.