నాని ‘ప్యారడైజ్’ రిలీజ్ మరోసారి వాయిదా?

నేచురల్ స్టార్ నాని హీరోగా శ్రీకాంత్ ఓదెల దర్శకత్వంలో తెరకెక్కుతున్న ‘ప్యారడైజ్’ సినిమా విడుదల మరోసారి వాయిదా పడే అవకాశాలు ఉన్నాయని సినీ వర్గాల్లో ప్రచారం జరుగుతోంది. ఇప్పటికే ఆగస్టుకు మారిన ఈ చిత్రం ఇప్పుడు సెప్టెంబర్ 24న ప్రేక్షకుల ముందుకు వచ్చే అవకాశం ఉందని టాక్ వినిపిస్తోంది. షూటింగ్ ఇంకా పూర్తికాకపోవడమే ఈ నిర్ణయానికి కారణమని సమాచారం.

ఈ చిత్రంలో కయాదు లోహర్ కథానాయికగా నటిస్తోంది. మిగిలిన చిత్రీకరణను పూర్తి చేసి అత్యుత్తమ నాణ్యతతో సినిమాను ప్రేక్షకుల ముందుకు తీసుకురావాలనే ఉద్దేశంతో మేకర్స్ ఈ నిర్ణయం తీసుకున్నట్లు తెలుస్తోంది. అయితే విడుదల తేదీ మార్పుపై చిత్రబృందం నుంచి ఇప్పటివరకు ఎలాంటి అధికారిక ప్రకటన వెలువడలేదు.