ఆయిల్ పుల్లింగ్ నోటి ఆరోగ్యానికి మేలు అని సూచిస్తున్న వైద్యులు

ఆయిల్ పుల్లింగ్ అనేది పురాతన ఆయుర్వేద పద్ధతి అని డాక్టర్లు చెబుతున్నారు. ఇది నోటి ఆరోగ్యం, తెల్లటి దంతాలు, మంచి శ్వాస కోసం ఉపయోగపడుతుంది. నోటిలోని హానికరమైన బ్యాక్టీరియాను తొలగించి, చిగుళ్ల సమస్యలు, దుర్వాసన తగ్గిస్తుంది. కొబ్బరి లేదా నువ్వుల నూనెతో 15 నిమిషాలపాటు పుక్కిలించడం సరైన మార్గం, ఇది మానసిక ఆరోగ్యానికి కూడా ఉపశమనం అందిస్తుంది.

డాక్టర్ల సూచనల ప్రకారం, ఆయిల్ పుల్లింగ్ వల్ల నోటిలోని బ్యాక్టీరియా తగ్గి, పంటి, చిగుళ్ల నొప్పి, వాపు మరియు ఇన్ఫెక్షన్ల నుండి ఉపశమనాన్ని పొందవచ్చు. ఇది శ్వాసను తాజాగా ఉంచి నోటి దుర్వాసన సమస్యను నివారిస్తుంది. సుదీర్ఘంగా క్రమంగా చేస్తే, దంతాలు ప్రకాశవంతంగా తెల్లగా మారతాయి. వైద్యులు దీన్ని ప్రతిరోజూ ఉదయం, భోజనానికి ముందుగా చేయాలని సూచిస్తున్నారు, కానీ నూనెను మింగకూడదని గుర్తు చేస్తున్నారు.

ఆయిల్ పుల్లింగ్ కోసం కొబ్బరి లేదా నువ్వుల నూనె ఉపయోగించవచ్చు. సరైన విధానం కింద చెప్పిన విధంగా ఉంటుంది: 1 టీస్పూన్ నూనెని నోటిలో వేసి, దంతాలు, చిగుళ్ల మధ్య మెల్లగా 15 నిమిషాలు పుక్కిలించాలి. తర్వాత నూనెను ఉమ్మి, గోరువెచ్చని నీటితో శుభ్రం చేసుకోవాలి. మొదటిసారిగా 5 నిమిషాలపాటు చేయవచ్చు. ఉత్తమ ఫలితాల కోసం ఒక వారం ప్రాక్టీస్ చేసి, ఆపై మూడు నెలల బ్రేక్ తీసుకోవడం మంచిదని డాక్టర్లు సూచిస్తున్నారు.

గమనిక: మేము అందించిన సమాచారం కేవలం అవగాహన కోసం మాత్రమే. దీనికి మేము ఎటువంటి బాధ్యత వహించము. ఏదైనా ఆరోగ్య సమస్య ఉంటే తప్పనిసరిగా వైద్యుడిని, న్యూట్రిషనిస్ట్‌ను సంప్రదించి వారి సలహా మేరకు అనుసరించండి.