కమల్–రజనీ ప్రాజెక్ట్ నుంచి త్రిష ఎగ్జిట్.. కారణం ఏమిటి?

కమల్ హాసన్, రజనీకాంత్ కలిసి నటిస్తున్న భారీ మల్టీస్టారర్ చిత్రంపై కోలీవుడ్‌లో పెద్ద చర్చ నడుస్తోంది. దర్శకుడు నెల్సన్ దిలీప్‌కుమార్ తెరకెక్కిస్తున్న ఈ ప్రాజెక్ట్‌లో హీరోయిన్‌గా త్రిష నటించాల్సి ఉండగా, ఆమె ఈ సినిమా నుంచి తప్పుకున్నట్టు వార్తలు వస్తున్నాయి. దీంతో అభిమానుల్లో ఆసక్తి పెరిగింది.

త్రిష వైదొలగడానికి ప్రధాన కారణం పారితోషికం అంశమేనని సమాచారం. అలాగే కథలో హీరోయిన్ పాత్ర పరిమితంగా ఉండటంతో ఆమె నిర్ణయం తీసుకున్నట్టు కూడా ప్రచారం జరుగుతోంది. అయితే ఈ వార్తలపై చిత్రబృందం నుంచి అధికారిక ప్రకటన ఇంకా వెలువడలేదు. కొత్త హీరోయిన్ కోసం వెతుకుతున్నారని సినీ వర్గాలు చెబుతున్నాయి.