పవన్-సుజీత్ కాంబో మళ్లీ రెడీ.. ‘ఓజీ 2’పై తాజా వార్త!

పవర్ స్టార్ పవన్ కళ్యాణ్ హీరోగా, దర్శకుడు సుజీత్ తెరకెక్కించిన స్టైలిష్ యాక్షన్ ఎంటర్‌టైనర్ ‘ఓజీ’ ప్రేక్షకుల నుంచి విశేష ఆదరణ పొందింది. ప్రియాంక అరుల్ మోహన్ హీరోయిన్‌గా నటించిన ఈ చిత్రం తన యాక్షన్ సన్నివేశాలు, స్టైలిష్ మేకింగ్, పవన్ కళ్యాణ్ స్క్రీన్ ప్రెజెన్స్‌తో అభిమానులను ప్రత్యేకంగా ఆకట్టుకుంది. విడుదలైన తర్వాత ఈ సినిమా టాలీవుడ్‌లో మంచి చర్చనీయాంశంగా నిలిచింది.

ఇక ఈ చిత్రానికి సీక్వెల్‌గా ‘ఓజీ 2’ రానుందనే వార్తలు కొంతకాలంగా సోషల్ మీడియాలో వైరల్ అవుతున్నాయి. ఇటీవల చిత్రానికి సంబంధించిన అధికారిక ప్రకటన కూడా వెలువడడంతో అభిమానుల్లో ఆసక్తి మరింత పెరిగింది. ఇండస్ట్రీ వర్గాల సమాచారం ప్రకారం, ‘ఓజీ 2’ రెగ్యులర్ షూటింగ్ ఈ ఏడాది నవంబర్‌లో ప్రారంభమయ్యే అవకాశం ఉందని ప్రచారం జరుగుతోంది. అయితే దీనిపై చిత్రబృందం నుంచి ఇంకా అధికారిక ప్రకటన రావాల్సి ఉంది. తమన్ సంగీతం అందిస్తున్న ఈ చిత్రాన్ని డి.వి.వి. దానయ్య నిర్మిస్తున్నారు.