‘స్పిరిట్’ ఇంటర్వెల్ నెక్స్ట్ లెవెల్?

పాన్ ఇండియా స్టార్ ప్రభాస్, దర్శకుడు సందీప్ రెడ్డి వంగా కాంబినేషన్‌లో తెరకెక్కుతున్న ‘స్పిరిట్’ సినిమాపై అభిమానుల్లో భారీ అంచనాలు ఉన్నాయి. పోలీస్ అధికారిగా ప్రభాస్ కనిపించనున్న ఈ యాక్షన్ చిత్రానికి సంబంధించిన ఇంటర్వెల్ ఎపిసోడ్‌పై ఆసక్తికర ప్రచారం జరుగుతోంది. కథలో కీలక మలుపుగా నిలిచే ఈ సన్నివేశం కోసం భారీ సెట్స్ సిద్ధం చేస్తున్నట్లు సినీ వర్గాల్లో వార్తలు వినిపిస్తున్నాయి. ఇందులో ప్రభాస్ పాల్గొనే యాక్షన్ సీక్వెన్స్‌ను అత్యంత భారీ స్థాయిలో తెరకెక్కించనున్నట్లు సమాచారం.

ఈ యాక్షన్ బ్లాక్‌లో వందలాది ఫైటర్లు పాల్గొనే అవకాశం ఉందని ప్రచారం జరుగుతోంది. ఈ షెడ్యూల్ పూర్తైన వెంటనే క్లైమాక్స్ చిత్రీకరణ ప్రారంభించనున్నట్లు టాక్ వినిపిస్తోంది. అయితే ఈ వార్తలపై చిత్రబృందం నుంచి ఇప్పటివరకు ఎలాంటి అధికారిక ప్రకటన రాలేదు. టి సిరీస్, భద్రకాళి పిక్చర్స్ నిర్మిస్తున్న ఈ చిత్రం ప్రభాస్‌ను కొత్త అవతారంలో చూపించనుందని అభిమానులు ఆసక్తిగా ఎదురుచూస్తున్నారు.