జూన్ 4కి ముందే ‘పెద్ది’ క్రేజ్ ఆకాశాన్ని తాకనుందా?

పెద్ది సినిమా విడుదల సమయం దగ్గరపడుతుండటంతో రామ్ చరణ్ దేశవ్యాప్తంగా భారీ ప్రమోషనల్ టూర్‌కు సిద్ధమవుతున్నారు. ఇప్పటికే సినిమాపై భారీ అంచనాలు నెలకొనగా, ఇప్పుడు “పవర్ ప్లే టూర్” పేరుతో ప్రత్యేక ప్రచార కార్యక్రమాన్ని మేకర్స్ ప్లాన్ చేస్తున్నట్లు సమాచారం. ఈ టూర్ ద్వారా సినిమాను పాన్ ఇండియా స్థాయిలో మరింత బలంగా ప్రేక్షకుల్లోకి తీసుకెళ్లాలని చిత్ర బృందం భావిస్తోంది.

మే 18న ముంబైలో ప్రారంభమయ్యే ఈ టూర్ హైదరాబాద్, బెంగళూరు, ఢిల్లీ, చెన్నై, భోపాల్, విజయనగరం వంటి ప్రధాన నగరాల్లో కొనసాగనుంది. మే 22న హైదరాబాద్ ఉప్పల్ స్టేడియంలో భారీ ఈవెంట్ నిర్వహించేందుకు ప్రత్యేక ఏర్పాట్లు చేస్తున్నట్లు తెలుస్తోంది. వేలాది మంది అభిమానులు హాజరయ్యే ఈ కార్యక్రమం సినిమాకు మరింత హైప్ తీసుకురానుందని ట్రేడ్ వర్గాలు అంచనా వేస్తున్నాయి. జూన్ 2న హైదరాబాద్‌లో జరిగే గ్రాండ్ ప్రీ రిలీజ్ ఈవెంట్‌తో ఈ టూర్ ముగియనుంది.