‘ఉప్పెన’ తర్వాత సరైన హిట్ లేదు.. ఇప్పుడు చిరంజీవితో!

ఒక సినిమా హిట్ అవడం పెద్ద విషయం కాదు. కానీ ఆ విజయాన్ని కొనసాగిస్తూ మంచి అవకాశాలు దక్కించుకోవడం చాలా కష్టం. ఇది కొద్దిమంది హీరో, హీరోయిన్లకే సాధ్యమవుతుంది. ఇదే పరిస్థితి హీరోయిన్ కృతిశెట్టికీ ఎదురైంది. ఉప్పెన సినిమాతో బ్లాక్‌బస్టర్ హిట్ కొట్టిన ఆమె, ఆ తర్వాత పలు చిత్రాల్లో నటించినా మరో పెద్ద విజయం దక్కలేదు. ఇప్పుడు ఆమెకు మళ్లీ మంచి అవకాశం వచ్చినట్లు తెలుస్తోంది.

ప్రస్తుతం మన శంకరవరప్రసాద్ గారు సినిమా విజయాన్ని ఆస్వాదిస్తున్న మెగాస్టార్ చిరంజీవి త్వరలో కొత్త ప్రాజెక్ట్ ప్రారంభించబోతున్నారు. దర్శకుడు బాబీతో మరోసారి కలిసి పనిచేయనున్నట్లు ఇప్పటికే ప్రకటించారు. ఈ సినిమా ఫిబ్రవరిలో లాంచ్ అయ్యి, మార్చి నుంచి షూటింగ్ మొదలవుతుందని సమాచారం. ఈ చిత్రంలో కృతిశెట్టిని ఎంపిక చేసినట్లు టాక్. ఆమె హీరోయిన్ పాత్రలో కాకుండా, చిరంజీవి కుమార్తె పాత్రలో కనిపించనున్నట్లు తెలుస్తోంది.

గతంలో వాల్తేరు వీరయ్యతో హిట్ అందుకున్న చిరు–బాబీ జంట, ఈసారి బెంగాల్ బ్యాక్‌డ్రాప్‌లో సాగే కూతురు సెంటిమెంట్ కథతో సినిమా చేయనున్నారని సమాచారం. మలయాళ స్టార్ మోహన్‌లాల్ ఒక కీలక పాత్రలో కనిపించే అవకాశం ఉందని టాక్. అలాగే చిరంజీవికి జోడీగా ప్రియమణిని ఫైనల్ చేసినట్లు, సంగీత దర్శకుడిగా ఏఆర్ రెహమాన్‌ను తీసుకునే ప్రయత్నాలు జరుగుతున్నట్లు తెలుస్తోంది. ఈ విషయాలపై త్వరలో స్పష్టత రానుంది.