ప్రభాస్‌ కోసం వంగా ప్లాన్‌ చేసిన సర్‌ప్రైజ్‌ ఇదేనా?

‘స్పిరిట్‌’ భారతీయ సినీ పరిశ్రమలో అత్యంత ఆసక్తి రేపుతున్న చిత్రాల్లో ఒకటిగా నిలిచింది. ఈ సినిమాకు సంబంధించిన తాజా అప్‌డేట్స్‌ కోసం అభిమానులు ఆసక్తిగా ఎదురుచూస్తున్నారు. సందీప్‌ రెడ్డి వంగా దర్శకత్వంలో తెరకెక్కుతున్న ఈ చిత్రంలో ప్రభాస్‌ ఇప్పటివరకు చేయని విభిన్న పాత్రలో కనిపించనున్నట్లు సమాచారం. దర్శకుడు ప్రభాస్‌ కోసం ప్రత్యేకంగా సరికొత్త పాత్రను రూపొందించినట్లు తెలుస్తోంది. ఇందులో ప్రభాస్‌ రెండు విభిన్న లుక్స్‌లో కనిపించనున్నట్లు తాజా నివేదికలు పేర్కొంటున్నాయి.

సినిమా తొలి భాగంలో పోలీస్‌ పాత్రకు ఒక లుక్‌లో, ద్వితీయార్థంలో మరో విభిన్న లుక్‌లో ప్రభాస్‌ కనిపించనున్నట్లు సమాచారం. కథలో మాఫియా కోణం కూడా ఉండనుందని, ఈ నేపథ్యంలో ప్రభాస్‌ పాత్ర మరింత ఆసక్తికరంగా ఉండనున్నట్లు తెలుస్తోంది. ప్రభాస్‌, సందీప్‌ రెడ్డి వంగా తొలిసారి కలిసి పనిచేస్తుండటంతో ‘స్పిరిట్‌’పై ఇప్పటికే భారీ అంచనాలు నెలకొన్నాయి.