దర్శకుడి నుంచి నిర్మాతగా మారుతున్న బుచ్చిబాబు?

‘ఉప్పెన’ సినిమాతో దర్శకుడిగా విజయవంతమైన ఆరంభం చేసిన బుచ్చిబాబు సానా, ‘పెద్ది’తో మరో భారీ విజయాన్ని అందుకున్నారు. రామ్ చరణ్ హీరోగా తెరకెక్కిన ఈ యాక్షన్ స్పోర్ట్స్ డ్రామా బాక్సాఫీస్ వద్ద మంచి విజయాన్ని సాధించింది. జాన్వీ కపూర్, శివ రాజ్‌కుమార్, జగపతి బాబు, దివ్యేందు కీలక పాత్రల్లో నటించిన ఈ చిత్రం బుచ్చిబాబు దర్శకుడిగా మరింత గుర్తింపు తెచ్చిపెట్టింది.

తాజా సమాచారం ప్రకారం బుచ్చిబాబు సానా ఇప్పుడు నిర్మాతగా కొత్త ప్రయాణం ప్రారంభించేందుకు సిద్ధమవుతున్నట్లు తెలుస్తోంది. చిన్న బడ్జెట్ చిత్రాన్ని నిర్మించే ఆలోచనలో ఉన్న ఆయన ఇప్పటికే ప్రీ-ప్రొడక్షన్ పనులు మొదలుపెట్టినట్లు సినీ వర్గాల్లో చర్చ జరుగుతోంది. తన బంధువుల కుటుంబానికి చెందిన ఓ యువ నటుడిని ఈ సినిమాతో హీరోగా పరిచయం చేయాలనే ఆలోచనలో ఉన్నట్లు సమాచారం. అయితే ఈ ప్రాజెక్ట్‌పై అధికారిక ప్రకటన రావాల్సి ఉంది.