చెన్నై లవ్ స్టోరీకి టికెట్ల జోరు

కిరణ్ అబ్బవరం, శ్రీ గౌరీ ప్రియ జంటగా నటించిన ‘చెన్నై లవ్ స్టోరీ’ చిత్రం ప్రేక్షకుల ఆదరణతో విజయవంతంగా ప్రదర్శితమవుతోంది. విడుదలైన కొద్ది రోజుల్లోనే ఈ సినిమా టికెట్ విక్రయాల్లో ప్రత్యేక మైలురాయిని అందుకుంది. ప్రేక్షకుల నుంచి వస్తున్న సానుకూల స్పందనతో బాక్సాఫీస్ వద్ద మంచి వసూళ్లతో దూసుకెళ్తోందని ట్రేడ్ వర్గాలు చెబుతున్నాయి.

దర్శకుడు రవి నంబూరి తెరకెక్కించిన ఈ ప్రేమకథలో భావోద్వేగాలతో పాటు ఫాంటసీ అంశాలు కూడా ప్రేక్షకులను ఆకట్టుకుంటున్నాయి. విడుదలైన ఐదు రోజుల్లోనే బుక్ మై షో, డిస్ట్రిక్ట్ వంటి టికెట్ బుకింగ్ ప్లాట్‌ఫామ్‌లలో కలిపి 10 లక్షల టికెట్ బుకింగ్స్ నమోదైనట్లు సమాచారం. గత 24 గంటల్లోనే 50 వేలకు పైగా టికెట్లు విక్రయించినట్లు సినీ వర్గాలు వెల్లడించాయి. మణిశర్మ సంగీతం, సాయి రాజేష్ కథ, నిర్మాణ విలువలు సినిమాకు బలంగా నిలిచాయని ప్రేక్షకులు అభిప్రాయపడుతున్నారు.