ప్రభాస్ ‘స్పిరిట్’ క్లైమాక్స్ పై లేటెస్ట్ అప్ డేట్ !

పాన్ ఇండియా స్టార్ ప్రభాస్ హీరోగా, సందీప్ రెడ్డి వంగా దర్శకత్వంలో తెరకెక్కుతున్న భారీ చిత్రం ‘స్పిరిట్’పై అంచనాలు రోజురోజుకూ పెరుగుతున్నాయి. ఈ సినిమాకు సంబంధించిన తాజా సమాచారం ప్రకారం, కీలకమైన క్లైమాక్స్ సీక్వెన్స్ కోసం చిత్రబృందం భారీ సెట్‌ను సిద్ధం చేస్తోందట. వచ్చే షెడ్యూల్‌లో ఈ సన్నివేశాలను చిత్రీకరించనున్నట్లు తెలుస్తోంది. క్లైమాక్స్ షూటింగ్ పూర్తయిన తర్వాత ప్రభాస్‌పై ఓ ప్రత్యేక పాటను కూడా చిత్రీకరించనున్నారని సమాచారం. పవర్‌ఫుల్ పోలీస్ కథాంశంతో ఈ సినిమా రూపొందుతున్నట్లు ప్రచారం జరుగుతోంది.

ఈ చిత్రంలో త్రుప్తి దిమ్రి కథానాయికగా నటిస్తోంది. ఫ్లాష్‌బ్యాక్ ఎపిసోడ్‌లో ప్రభాస్ పూర్తిగా భిన్నమైన వైల్డ్ అండ్ మాస్ అవతార్‌లో కనిపించనున్నట్లు టాక్. టీ-సిరీస్, భద్రకాళి పిక్చర్స్ సంస్థలు సంయుక్తంగా ఈ చిత్రాన్ని భారీ స్థాయిలో నిర్మిస్తున్నాయి. ప్రధాన కథాంశం కూడా కొత్తగా, ఆసక్తికరంగా ఉండనుందని సమాచారం. సందీప్ రెడ్డి వంగా దర్శకత్వంలో వస్తున్న ఈ సినిమా ప్రభాస్ అభిమానుల్లో ఇప్పటికే భారీ అంచనాలను పెంచుతోంది. షూటింగ్, విడుదలకు సంబంధించిన మరిన్ని అధికారిక వివరాలు తెలియాల్సి ఉంది.