టాక్సిక్‌లో హీరోయిన్‌లే అసలు ట్విస్ట్? - యశ్

కేజీఎఫ్ 2 తర్వాత రాకింగ్ స్టార్ యశ్ నటిస్తున్న భారీ చిత్రం 'టాక్సిక్' పై దేశవ్యాప్తంగా భారీ అంచనాలు ఉన్నాయి. గీతూ మోహన్‌దాస్ దర్శకత్వంలో తెరకెక్కుతున్న ఈ పాన్ ఇండియా యాక్షన్ డ్రామా షూటింగ్ చివరి దశలో ఉంది. తాజా అప్డేట్స్ కారణంగా ఈ సినిమా సోషల్ మీడియాలో ట్రెండింగ్‌లో నిలుస్తోంది.

తాజాగా యశ్ చేసిన వ్యాఖ్యలు ఇప్పుడు పెద్ద చర్చకు దారితీశాయి. ముఖ్యంగా నయనతార, కియారా అద్వానీ పాత్రలపై ఆయన ఇచ్చిన హింట్లు ప్రేక్షకుల్లో ఆసక్తిని పెంచాయి. ఈ ఇద్దరు నటీమణులు గ్రే షేడ్స్ ఉన్న బలమైన పాత్రల్లో కనిపించబోతున్నారని సమాచారం. వీరి పాత్రల్లో నెగెటివ్ టచ్ కూడా ఉండే అవకాశం ఉందని తెలుస్తోంది.

సాధారణ కమర్షియల్ సినిమాల్లో హీరోయిన్ పాత్రలు పరిమితంగా ఉంటే, టాక్సిక్లో మాత్రం పరిస్థితి భిన్నంగా ఉండనుందని టాక్. డ్రగ్ మాఫియా, అంతర్జాతీయ కార్టెల్స్ నేపథ్యంతో తెరకెక్కుతున్న ఈ చిత్రం భారీ విజువల్స్‌తో రాబోతోంది. యశ్ హింట్‌తో ఇప్పుడు సోషల్ మీడియాలో కొత్త ఫ్యాన్ థియరీలు మొదలయ్యాయి.