మెగాస్టార్ సినిమాలో అనురాగ్ కశ్యప్ ఎంట్రీ? హాట్ టాపిక్‌గా మారిన వార్త!

ఇప్పటికి మనకు తెలుసు కదా  ఉత్తర, దక్షిణ అనే భేదాలు సినిమాల మధ్య  తగ్గిపోతున్నాయి. ఇప్పుడు హీరోలు, డైరెక్టర్లు, టెక్నీషియన్లు అన్ని భాషల్లో కూడా పని చేస్తున్నారు. ప్రత్యేకంగా బాలీవుడ్ స్టార్లు దక్షిణాది సినిమాల్లో బలమైన పాత్రలు దక్కించుకుంటున్నారు. హిందీ సినిమాల్లో ప్రముఖ దర్శకుడు, నటుడు అయిన అనురాగ్ కశ్యప్ కూడా ఇప్పుడు అదే దారిలో వెళ్తున్నారు. ఆయనకు హిందీ ఇండస్ట్రీలో ఉన్న సినిమాల పట్ల కొన్ని విమర్శాత్మక అభిప్రాయాలు ఉన్నాయి. కానీ అదే సమయంలో ఆయన సౌత్ సినిమాల వైపు తన ప్రస్థానాన్ని విస్తరిస్తున్నారు. ఇటీవల ఆయన కొన్ని తమిళ సినిమాల్లో కనిపించారు, ప్రత్యేకంగా విజయ్ సేతుపతి నటించిన మహారాజా సినిమాలో ఆయన చేసిన పాత్రకు దక్షిణాదిలో మంచి గుర్తింపు వచ్చింది. ఇప్పుడు ఆయన తెలుగులో అడుగు పెట్టబోతున్నారు.

అడవి శేష్ హీరోగా చేస్తున్న డాకాయిట్ సినిమాలో అనురాగ్ కశ్యప్ “ఇన్‌స్పెక్టర్ స్వామి” పాత్రలో కనిపించబోతున్నారు. మొదట ఈ సినిమా 2025 క్రిస్మస్‌కి రిలీజ్ చేయాలని ప్లాన్ చేశారు, కానీ అడవి శేష్ గాయపడ్డ కారణంగా సినిమా షూటింగ్ కొంత వాయిదా పడింది. ఇప్పుడు ఆయన కోలుకున్న తర్వాత తిరిగి షూటింగ్ మొదలుకానుంది. ఇదిలా ఉంటే, అనురాగ్ కశ్యప్ మరొక తెలుగు ప్రాజెక్ట్‌కి సైన్ చేశారని సమాచారం. మెగాస్టార్ చిరంజీవి హీరోగా బాబీ కొల్లీ దర్శకత్వంలో రూపొందుతున్న సినిమాలో ఆయన కీలక పాత్ర పోషించబోతున్నారట. ఈ సినిమా ప్రీ-ప్రొడక్షన్ దశలో ఉంది, ఈ ఏడాది చివర్లో సెట్స్‌పైకి వెళ్లే అవకాశం ఉంది. తమిళ నటుడు కార్తీ కూడా ఈ సినిమాలో ఒక ముఖ్యమైన పాత్రకు చర్చల్లో ఉన్నారని టాక్. తరతరంగా తెలుగు సినిమాల్లో ప్రాజెక్టులు సైన్ చేస్తున్న అనురాగ్ కశ్యప్ ఇప్పుడు టాలీవుడ్‌లో తన స్థానం పటిష్టం చేసుకుంటున్నట్టు కనిపిస్తున్నాడు. ఆయన రాబోయే సినిమాలు ప్రేక్షకులను ఆకట్టుకుంటే, ఇకపైన ఆయనను మరిన్ని తెలుగు సినిమాల్లో చూడొచ్చు!