పెట్రోల్ , డీజిల్ ధరల పెంపుపై కేంద్ర మంత్రి కిషన్ రెడ్డి రియాక్షన్

దేశవ్యాప్తంగా పెట్రోల్, డీజిల్ ధరలు పెరగడంపై కేంద్ర మంత్రి కిషన్ రెడ్డి స్పందించారు. ఈ కొత్త ధరలు ఇవాళ ఉదయం నుంచే అమల్లోకి వచ్చాయని తెలిపారు. ప్రజలపై భారం మోపేందుకు ఈ నిర్ణయం తీసుకోలేదని, అంతర్జాతీయ పరిస్థితుల ప్రభావంతోనే ధరలు పెరిగాయని ఆయన స్పష్టం చేశారు. అమెరికా–ఇరాన్ ఉద్రిక్తతల కారణంగా ముడి చమురు ధరలు పెరిగాయని, దీనితో భారత్‌లో కూడా ఇంధన ధరలపై ప్రభావం పడిందని పేర్కొన్నారు. అమెరికా, జర్మనీ, జపాన్ వంటి దేశాల్లో కూడా ఇంధన ధరలు పెరిగిన విషయాన్ని ఆయన గుర్తుచేశారు.

ముడి చమురు దిగుమతుల ఖర్చు పెరగడంతో కేంద్ర ప్రభుత్వం ఈ నిర్ణయం తీసుకోవాల్సి వచ్చిందని తెలిపారు. కాంగ్రెస్, టీఆర్ఎస్ వంటి ప్రతిపక్ష పార్టీలు దీనిని రాజకీయంగా ఉపయోగించుకునే ప్రయత్నం చేస్తున్నాయని ఆరోపించారు. ప్రజలు ఇలాంటి ఆరోపణలకు మోసపోవద్దని ఆయన విజ్ఞప్తి చేశారు. ఇది రాజకీయ నిర్ణయం కాకుండా ఆర్థిక పరిస్థితుల దృష్ట్యా తీసుకున్న అవసరమైన నిర్ణయమని స్పష్టం చేశారు.