హైదరాబాద్‌లో ఎఫ్‌టీజీ తొలి తయారీ కేంద్రం ప్రారంభం

జీఎంఆర్ హైదరాబాద్ ఏవియేషన్ ఎస్‌ఈజెడ్ లిమిటెడ్ (జీహెచ్‌ఏఎస్‌ఎల్), జీఎంఆర్ హైదరాబాద్ ఇంటర్నేషనల్ ఎయిర్‌పోర్ట్ లిమిటెడ్ (జీహెచ్‌ఐఏఎల్)కు చెందిన పూర్తి అనుబంధ సంస్థ, ఫిరాన్ టెక్నాలజీ గ్రూప్ కార్పొరేషన్ (ఎఫ్‌టీజీ) భారత్‌లో తొలి తయారీ కేంద్రాన్ని హైదరాబాద్‌లోని జీఎంఆర్ ఏరోస్పేస్ అండ్ ఇండస్ట్రియల్ పార్క్‌లో ప్రారంభించినట్లు ప్రకటించింది. ఇది భారత ఏరోస్పేస్ తయారీ రంగానికి కీలక మైలురాయిగా నిలిచింది.

ఈ ప్రారంభోత్సవ కార్యక్రమానికి ప్రభుత్వ ఉన్నతాధికారులు, జీఎంఆర్ మరియు ఎఫ్‌టీజీ సంస్థల ప్రతినిధులు హాజరయ్యారు. ఈ తయారీ కేంద్రం ద్వారా అత్యాధునిక సాంకేతికత, పారిశ్రామిక సామర్థ్యాల పెంపుతో పాటు ఏరోస్పేస్, రక్షణ రంగాల్లో ఉపాధి అవకాశాలు కూడా విస్తరించనున్నాయని అధికారులు తెలిపారు. ప్రపంచ ఏరోస్పేస్ తయారీ సరఫరా శృంఖలలో భారత స్థానం మరింత బలోపేతం కావడానికి ఇది దోహదపడనుంది.