కోల్‌కతాలో ఘోర ప్రమాదం..

కోల్‌కతాలోని ఓ నిర్మాణ ప్రాంగణంలో ఉన్న గోడౌన్‌ కూలిపోవడంతో విషాద ఘటన చోటుచేసుకుంది. ఈ ప్రమాదంలో ఇద్దరు వ్యక్తులు ప్రాణాలు కోల్పోగా, పలువురు గాయపడ్డారు. గాయపడిన వారిని వెంటనే సమీప ఆస్పత్రులకు తరలించి చికిత్స అందిస్తున్నారు.

సమాచారం అందుకున్న వెంటనే సహాయక బృందాలు ఘటనాస్థలికి చేరుకుని శిథిలాల తొలగింపు పనులు చేపట్టాయి. మరికొందరు కార్మికులు శిథిలాల కింద చిక్కుకుని ఉండొచ్చని అధికారులు అనుమానం వ్యక్తం చేస్తున్నారు. వారిని సురక్షితంగా బయటకు తీసేందుకు సహాయక చర్యలు కొనసాగుతున్నాయి. ప్రమాదానికి గల కారణాలపై అధికారులు దర్యాప్తు ప్రారంభించారు.