సాంకేతిక లోపంతో బెంగళూరు-విజయవాడ విమానానికి అంతరాయం

బెంగళూరు నుంచి విజయవాడ రావాల్సిన విమానంలో సాంకేతిక లోపం తలెత్తింది. టేకాఫ్‌కు సిద్ధమైన అనంతరం విమానం తిరిగి బెంగళూరు విమానాశ్రయానికి చేరుకుంది. ఈ విమానంలో ఏపీ మంత్రి మండిపల్లి రాంప్రసాద్‌ రెడ్డితో పాటు పలువురు ప్రముఖులు ఉన్నారు. విజయవాడలో జరగనున్న మంత్రివర్గ సమావేశంలో పాల్గొనేందుకు మంత్రి ఈ విమానంలో ప్రయాణిస్తున్నారు.

విమానం ఎప్పుడు బయలుదేరుతుందనే విషయంపై సిబ్బంది నుంచి స్పష్టమైన సమాచారం అందకపోవడంతో ప్రయాణికులు ఇబ్బందులు ఎదుర్కొన్నారు. సాంకేతిక లోపం ఎప్పుడు పరిష్కారమవుతుందో, విమానం ఎప్పుడు బయలుదేరుతుందోనని ప్రయాణికులు ఎదురుచూస్తున్నారు.