నేడు అరుదైన సంపూర్ణ సూర్యగ్రహణం...

నేడు ఆగస్టు 12, 2026న అరుదైన సంపూర్ణ సూర్యగ్రహణం ఏర్పడనుంది. సూర్యుడు, చంద్రుడు, భూమి ఒకే సరళరేఖలోకి వచ్చినప్పుడు చంద్రుడు సూర్యుడికి, భూమికి మధ్యగా ప్రయాణిస్తాడు. దీంతో సూర్యుడి కాంతిని చంద్రుడు పూర్తిగా లేదా పాక్షికంగా అడ్డుకోవడంతో సూర్యగ్రహణం ఏర్పడుతుంది. గ్రీన్‌లాండ్‌, ఐస్‌లాండ్‌, ఉత్తర స్పెయిన్‌, ఈశాన్య పోర్చుగల్‌లోని కొన్ని ప్రాంతాల్లో సంపూర్ణ గ్రహణం కనిపించనుండగా, యూరప్‌, ఉత్తర ఆఫ్రికా, ఉత్తర అమెరికాలోని పలు ప్రాంతాల్లో పాక్షిక గ్రహణం కనిపించనుంది.

ఈసారి యూరప్‌ ప్రధాన భూభాగంలోని కొన్ని ప్రాంతాల్లో సంపూర్ణ సూర్యగ్రహణం దర్శనమివ్వడం ప్రత్యేకతగా నిలవనుంది. అయితే భారత్‌లో మాత్రం ఈ గ్రహణం కనిపించదు. దేశంలో గ్రహణం సంభవించే సమయానికి రాత్రి కావడంతో ఏ దశలోనూ వీక్షించే అవకాశం ఉండదు. గ్రహణం కనిపించే ప్రాంతాల్లో ప్రజలు ప్రత్యేక సౌర వీక్షణ కళ్లద్దాలను ఉపయోగించి మాత్రమే గ్రహణాన్ని వీక్షించాలని సూచిస్తున్నారు.