వర్షాలకు మళ్లీ ఊతం.. బంగాళాఖాతంలో అల్పపీడనం

బంగాళాఖాతంలో రేపు మరో అల్పపీడనం ఏర్పడే అవకాశం ఉందని వాతావరణ శాఖ తెలిపింది. దీని ప్రభావంతో ఉత్తరాంధ్ర, రాయలసీమ ప్రాంతాల్లో సెప్టెంబర్ 2 వరకు పలు చోట్ల వర్షాలు కురిసే అవకాశం ఉంది. రానున్న రెండు రోజుల పాటు రాష్ట్రంలోని కొన్ని ప్రాంతాల్లో ఉరుములు, పిడుగులతో కూడిన వర్షాలు పడవచ్చని అధికారులు హెచ్చరించారు.

మరోవైపు, జూన్ 1 నుంచి ఆగస్టు 26 వరకు దేశవ్యాప్తంగా నమోదైన వర్షపాతం సాధారణ స్థాయి కంటే లోటుగా ఉన్నట్లు సమాచారం. రానున్న రోజుల్లో ఏర్పడనున్న వాతావరణ వ్యవస్థల ప్రభావంతో కొన్ని ప్రాంతాల్లో వర్షాల తీవ్రత పెరిగే అవకాశం ఉంది. ఉరుములు, పిడుగులతో కూడిన వర్షాల సమయంలో ప్రజలు అప్రమత్తంగా ఉండాలని వాతావరణ శాఖ సూచించింది.