బెంట్లీ గ్లోబల్ బ్రాండ్ అంబాసిడర్ గా ప్రియాంక చోప్రా

బెంట్లీ తన కొత్త గ్లోబల్ బ్రాండ్ అంబాసిడర్‌గా ప్రియాంక చోప్రా జోనాస్‌ను అధికారికంగా ప్రకటించింది. ఇది ఆమె అంతర్జాతీయ ప్రయాణంలో మరో కీలక మైలురాయిగా భావిస్తున్నారు. 2026 ఏప్రిల్ 10న ఈ ప్రకటన వెలువడగా, కొత్త క్యాంపెయిన్‌లో ప్రియాంకను డాక్యుమెంటరీ స్టైల్ ఫార్మాట్‌లో చూపించారు. లగ్జరీ బ్రాండింగ్‌ను మరింత వ్యక్తిగత కథన శైలిలో తీసుకెళ్లే బెంట్లీ కొత్త దిశను ఈ క్యాంపెయిన్ ప్రతిబింబిస్తోంది.

లాస్ ఏంజెల్స్‌లోని సోనీ స్టూడియోస్‌లో ఈ ప్రచార చిత్రాన్ని తెరకెక్కించారు. ఇందులో బెంట్లీ కాంటినెంటల్ GT మోడల్‌ను సున్నితంగా ప్రదర్శించారు. ఈ భాగస్వామ్యంతో ప్రియాంక చోప్రా అంతర్జాతీయ బ్రాండ్ పోర్ట్‌ఫోలియోలో మరో ప్రముఖ లగ్జరీ బ్రాండ్ గా చేరింది. బాలీవుడ్ నుంచి హాలీవుడ్ వరకు తన ప్రభావాన్ని విస్తరించిన ప్రియాంకకు ఇది మరో ప్రతిష్టాత్మక గుర్తింపుగా నిలిచింది.