కేరళలో చికిత్స ముగించుకుని ఏపీకి చేరుకున్న పవన్‌ కల్యాణ్‌

ఏపీ ఉప ముఖ్యమంత్రి, జనసేన అధినేత పవన్‌ కల్యాణ్‌ కేరళలో తన పర్యటన, చికిత్స ముగించుకుని ఆంధ్రప్రదేశ్‌కు చేరుకున్నారు. కృష్ణా జిల్లా గన్నవరం అంతర్జాతీయ విమానాశ్రయానికి చేరుకున్న ఆయనకు నాయకులు, అధికారులు స్వాగతం పలికారు. ఇటీవల పవన్‌ కల్యాణ్‌ కేరళలో పర్యటించిన విషయం తెలిసిందే.

గన్నవరం విమానాశ్రయం నుంచి పవన్‌ కల్యాణ్‌ నేరుగా మంగళగిరిలోని జనసేన పార్టీ కార్యాలయానికి బయలుదేరారు. అక్కడ పార్టీ కార్యక్రమాలు, తదుపరి రాజకీయ వ్యవహారాలపై ఆయన దృష్టి సారించనున్నట్లు సమాచారం. పవన్‌ కల్యాణ్‌ జనసేన పార్టీ కార్యకలాపాలను మంగళగిరి కేంద్రంగా కొనసాగిస్తున్నారు.