ఎన్‌టీఏ సంస్కరణలకు నిలేకని టాస్క్‌ఫోర్స్

నేషనల్ టెస్టింగ్ ఏజెన్సీ నిర్వహించే పరీక్షల్లో సమగ్ర సంస్కరణల కోసం నందన్ నిలేకని నేతృత్వంలో కేంద్ర ప్రభుత్వం హైపవర్ టాస్క్‌ఫోర్స్‌ను ఏర్పాటు చేసింది. ఈ టాస్క్‌ఫోర్స్‌లో మాజీ ఇస్రో చైర్మన్ ఎస్. సోమనాథ్, మాజీ ఐబీ డైరెక్టర్ తపన్ డేకా, ఐఐటి మద్రాస్ డైరెక్టర్ వి. కామకోటి, మాజీ విద్యాశాఖ కార్యదర్శి అనితా కరాల్ తదితరులు సభ్యులుగా ఉన్నారు. పరీక్షల నిర్వహణను విశ్వసనీయంగా, సాంకేతికంగా బలోపేతం చేయడం ఈ బృందం ప్రధాన లక్ష్యంగా ఉంది.

పరీక్షా వ్యవస్థలో పారదర్శకత, సామర్థ్యాన్ని పెంచేందుకు సాంకేతిక పరిజ్ఞానాన్ని వినియోగించడంపై ఈ టాస్క్‌ఫోర్స్ దృష్టి సారించనుంది. విద్యార్థులకు సులభమైన, నమ్మకమైన విధానాలను అందించేందుకు అవసరమైన మార్పులపై సూచనలు చేయనుంది. భద్రతా ప్రమాణాలను మెరుగుపరచడం, నిర్ధిష్ట మార్గదర్శకాలు రూపొందించడం ద్వారా పరీక్షల నిర్వహణలో ఉన్న లోపాలను సరిదిద్దడమే లక్ష్యంగా ముందుకు సాగనుంది.