ఆకస్మిక వరదలతో అతలాకుతలమైన నేపాల్‌

నేపాల్‌లో ఆకస్మిక వరదలు తీవ్ర నష్టాన్ని మిగిల్చాయి. రసువా జిల్లాలో భారీ వరదల కారణంగా ఓ జలవిద్యుత్‌ కేంద్రం ధ్వంసమవడంతో పాటు ఇళ్లు, వంతెనలు కొట్టుకుపోయాయి. బోటే కోశీ నది ఉప్పొంగడంతో పలువురు గల్లంతయ్యారు. దీంతో ప్రభావిత ప్రాంతాల్లో పరిస్థితి ఆందోళనకరంగా మారింది.

వరద బాధితులను రక్షించేందుకు నేపాల్‌ సైన్యం సహాయక, సహాయ చర్యలను చేపట్టింది. మరోవైపు వరదల ప్రభావం నేపథ్యంలో బిహార్‌ సరిహద్దు జిల్లాల్లో అధికారులు హైఅలర్ట్‌ ప్రకటించారు. పరిస్థితిని నిశితంగా పర్యవేక్షిస్తూ ముందు జాగ్రత్త చర్యలు చేపడుతున్నారు.