చంద్రుడిపై సులభ ప్రయాణానికి ‘సీఎల్‌వీ-1’ రోవర్‌

నాసా భవిష్యత్ చంద్రయానాల కోసం వ్యోమగాముల ప్రయాణాన్ని మరింత సులభతరం చేసే కొత్త తరహా చంద్ర వాహనం డిజైన్‌లను విడుదల చేసింది. ‘సీఎల్‌వీ-1’ పేరుతో రూపొందుతున్న ఈ ఆధునిక లూనార్ వాహనాన్ని ఆస్ట్రోలాబ్ తయారు చేయనుంది. చంద్రుడి ఉపరితలంపై వ్యోమగాములు సురక్షితంగా ఎక్కువ దూరం ప్రయాణించేందుకు, శాస్త్రీయ పరిశోధనలు నిర్వహించేందుకు ఈ వాహనం ఉపయోగపడనుంది.

ఈ ఆధునిక చంద్ర వాహనాన్ని 2028 నాటికి నాసా కు అందించే అవకాశం ఉందని సమాచారం. తీవ్రమైన చంద్ర వాతావరణ పరిస్థితులను తట్టుకునేలా ఈ రోవర్‌ను ప్రత్యేకంగా రూపొందిస్తున్నారు. భవిష్యత్ ఆర్టెమిస్ మిషన్లలో ఈ వాహనం కీలక పాత్ర పోషిస్తుందని నాసా అధికారులు భావిస్తున్నారు. చంద్రుడిపై దీర్ఘకాలిక మానవ అన్వేషణలకు ఇది కొత్త దిశను చూపనుంది.