ప్రపంచ జీసీసీ రాజధానిగా బెంగళూరు

ప్రపంచ గ్లోబల్ క్యాపబిలిటీ సెంటర్ల (జీసీసీ) ప్రధాన కేంద్రంగా బెంగళూరు తన ఆధిపత్యాన్ని మరింత బలోపేతం చేసుకుంది. 2026లో నగరంలోని జీసీసీల సంఖ్య 1,100 దాటగా, ఈ ఏడాది తొలి ఆరు నెలల్లోనే 66 కొత్త జీసీసీలు ఏర్పాటు అయ్యాయి. మెర్క్ కేజీఏఏ, అండర్ ఆర్మర్, క్రాఫ్ట్ హైన్జ్, వార్నర్ మ్యూజిక్ గ్రూప్, డాల్బీ ల్యాబొరేటరీస్, టోస్ట్ వంటి అంతర్జాతీయ సంస్థలు బెంగళూరును తమ టెక్నాలజీ, ఇంజినీరింగ్, ఫైనాన్స్, పరిశోధన కేంద్రాల కోసం ఎంచుకున్నాయి.

బలమైన ఇంజినీరింగ్, ఏఐ నైపుణ్యాలు, స్టార్టప్ ఎకోసిస్టమ్, ప్రముఖ విద్యాసంస్థలు, కర్ణాటక ప్రభుత్వ అనుకూల విధానాలు ఈ వృద్ధికి ప్రధాన కారణాలుగా నిలిచాయి. ప్రస్తుతం 6.5 లక్షలకుపైగా నిపుణులు జీసీసీలలో పనిచేస్తుండగా, వైట్‌ఫీల్డ్, సర్జాపూర్ రోడ్, బెల్లందూర్, హెబ్బాల్, దేవనహళ్లి ప్రాంతాల్లో అద్దెలు, భూముల ధరలు కూడా గణనీయంగా పెరుగుతున్నాయి.