పెద్ది సుదర్శన్ రెడ్డి సంస్మరణ సభకు కేటీఆర్, హరీశ్‌రావు

దివంగత మాజీ ఎమ్మెల్యే, బీఆర్‌ఎస్‌ నేత పెద్ది సుదర్శన్‌రెడ్డి సంస్మరణ సభ రేపు ఉదయం 10:30 గంటలకు నల్లబెల్లి మండల కేంద్రంలోని పెద్దమ్మ తల్లి గుడి ఆవరణలో నిర్వహించనున్నారు. ఈ కార్యక్రమానికి బీఆర్‌ఎస్‌ వర్కింగ్‌ ప్రెసిడెంట్‌ కేటీఆర్‌, మాజీ మంత్రి హరీశ్‌రావు ముఖ్య అతిథులుగా హాజరుకానున్నారు. సంస్మరణ సభ అనంతరం సహపంక్తి భోజనం ఏర్పాటు చేయనున్నారు.

ఈ కార్యక్రమానికి బీఆర్‌ఎస్‌ పార్టీ శ్రేణులు, కార్యకర్తలు, అభిమానులు, ప్రజలు, ప్రజాప్రతినిధులు, మాజీ ప్రజాప్రతినిధులు, అనుబంధ సంఘాల ప్రతినిధులు పెద్ద సంఖ్యలో తరలిరావాలని నిర్వాహకులు విజ్ఞప్తి చేశారు. దివంగత నేతకు నివాళులర్పిస్తూ కార్యక్రమాన్ని విజయవంతం చేయాలని కోరారు.