హైదరాబాద్: పబ్లిక్ కు అందుబాటులో మరో ఫ్లై ఓవర్

హైదరాబాద్‌లో మైలార్ దేవుపల్లి నుంచి శాస్త్రీపురం మీదుగా వట్టేపల్లి వరకు రూ.71 కోట్ల వ్యయంతో నిర్మించిన రోడ్ ఓవర్ బ్రిడ్జ్ (ఆర్వోబీ)ను రాష్ట్ర ఐటీ, పరిశ్రమల శాఖ మంత్రి దుద్దిళ్ల శ్రీధర్ బాబు శుక్రవారం లాంఛనంగా ప్రారంభించారు. ఈ వంతెన ప్రజలకు అందుబాటులోకి వచ్చింది.

నాలుగు లేన్లతో నిర్మించిన ఈ వంతెన పొడవు 490 మీటర్లు, వెడల్పు 16.6 మీటర్లు కాగా, రైల్వే భాగం 37.28 మీటర్లు ఉంది. ఈ ఫ్లైఓవర్ అందుబాటులోకి రావడంతో మైలార్ దేవుపల్లి నుంచి ఫలక్‌నుమా వరకు ప్రయాణ సమయం కేవలం 30 నిమిషాలకు తగ్గి, ట్రాఫిక్ సమస్యలు గణనీయంగా తగ్గనున్నాయి.