ఉమాంగ్ యాప్ సేవలు నిలిచిపోతాయా?.. ఈపీఎఫ్‌వో కీలక వివరణ

ఉద్యోగ భవిష్యనిధి సంస్థ (EPFO) ఈ-ఆఫీస్ యాప్‌, ఉమాంగ్‌ (UMANG) యాప్‌లలో క్లెయిమ్ ప్రాసెసింగ్ సేవలు సిస్టమ్ అప్‌గ్రేడ్ కారణంగా నిలిపివేస్తున్నారంటూ సోషల్ మీడియాలో వైరల్ అవుతున్న ప్రచారాన్ని పూర్తిగా ఖండించింది. ఈ అంశంపై ఎలాంటి అధికారిక అడ్వైజరీ జారీ చేయలేదని, అన్ని సేవలు యథావిధిగా కొనసాగుతున్నాయని EPFO స్పష్టం చేసింది.

ఫ్యాక్ట్ చెక్ ద్వారా ఈపీఎఫ్‌వో ఈ ప్రచారాన్ని తప్పుడు మరియు దారితప్పించే సమాచారంగా పేర్కొంది. సభ్యులు సోషల్ మీడియాలో వచ్చే నిర్ధారణ లేని సందేశాలను నమ్మవద్దని సూచించింది. సేవలకు సంబంధించిన అధికారిక సమాచారం కోసం EPFO వెబ్‌సైట్‌, అధికారిక కమ్యూనికేషన్ ఛానళ్లను మాత్రమే అనుసరించాలని సంస్థ విజ్ఞప్తి చేసింది.