ఉద్యోగులకు షాక్ ఇచ్చిన ప్రముఖ సాఫ్ట్‌వేర్ కంపెనీ

ప్రపంచ టెక్నాలజీ రంగంలో ప్రముఖ సంస్థ ఒరాకిల్ భారీ స్థాయిలో ఉద్యోగుల తొలగింపులను ప్రారంభించినట్లు సమాచారం. ఈరోజు ఉదయం 6 గంటల నుంచి ఉద్యోగులకు ఈమెయిల్ ద్వారా ఉద్యోగాల నుంచి తొలగిస్తున్నట్లు తెలియజేయడం సంచలనంగా మారింది. ఎటువంటి సమావేశం లేకుండా, ప్రత్యక్షంగా మాట్లాడకుండా ఈ నిర్ణయం తీసుకోవడం ఉద్యోగుల్లో ఆందోళన కలిగిస్తోంది.

సుమారు 1,62,000 మంది సిబ్బంది ఉన్న ఈ సంస్థలో 20,000 నుంచి 30,000 మంది వరకు ఉద్యోగాలు కోల్పోయే అవకాశం ఉందని సమాచారం. ఇతర పెద్ద సంస్థలు కూడా ఇలాంటి చర్యలు తీసుకుంటున్న నేపథ్యంలో, ఈ ఏడాది ఉద్యోగ కోతలు మరింత పెరిగే అవకాశం ఉందని నిపుణులు భావిస్తున్నారు. ఈ పరిణామం టెక్నాలజీ రంగంలో అనిశ్చితిని మరింత పెంచుతోంది.