భోగాపురం ఎయిర్‌పోర్ట్‌తో అభివృద్ధికి టేకాఫ్

అల్లూరి సీతారామరాజు అంతర్జాతీయ విమానాశ్రయం ప్రారంభోత్సవం రేపు జరగనున్న నేపథ్యంలో ప్రధాని నరేంద్ర మోదీ సోషల్ మీడియా వేదికగా స్పందించారు. ఈ విమానాశ్రయం రాష్ట్ర మౌలిక వసతుల అభివృద్ధికి కీలక ప్రోత్సాహాన్ని అందిస్తుందని ప్రధాని పేర్కొన్నారు. భోగాపురం విమానాశ్రయం ద్వారా ప్రాంతీయ అభివృద్ధికి కొత్త అవకాశాలు ఏర్పడతాయని తెలిపారు.

ప్రధాని మోదీ పోస్టును ముఖ్యమంత్రి చంద్రబాబు నాయుడు రీ-పోస్ట్ చేశారు. ప్రధానికి స్వాగతం పలికేందుకు రాష్ట్ర ప్రభుత్వం సిద్ధంగా ఉందని సీఎం పేర్కొన్నారు. భోగాపురం అంతర్జాతీయ విమానాశ్రయంతో ఉత్తరాంధ్ర అభివృద్ధి కొత్త దశలోకి ప్రవేశిస్తుందని, ఈ ప్రాంతం పురోగతిలో కొత్త ఎత్తులకు చేరుకుంటుందని చంద్రబాబు తెలిపారు.