సాగర్ ఆయకట్టు రైతుల్లో ఆందోళన

కృష్ణా బేసిన్‌లో వరద ఉధృతి గణనీయంగా తగ్గడంతో నాగార్జునసాగర్‌ ప్రాజెక్టు ఆయకట్టు రైతుల్లో ఆందోళన నెలకొంది. జూరాల ప్రాజెక్టు గేట్లను మూసివేశారు. శ్రీశైలం ప్రాజెక్టుకు వస్తున్న వరద ప్రవాహం కూడా భారీగా తగ్గింది. ఒక దశలో సుమారు 2.5 లక్షల క్యూసెక్కులుగా ఉన్న ప్రవాహం ప్రస్తుతం 36 వేల క్యూసెక్కులకు పడిపోయింది.

వరద ప్రవాహం తగ్గిపోవడంతో ఈ ఏడాది ఖరీఫ్‌ సీజన్‌లో నాగార్జునసాగర్‌ ఆయకట్టుకు నీటి విడుదలపై అనిశ్చితి నెలకొంది. సాగర్‌ ఆయకట్టు రైతులకు ఈ ఖరీఫ్‌లో నీటి విడుదల నిలిచిపోవచ్చన్న ఆందోళన వ్యక్తమవుతోంది. దీంతో ప్రాజెక్టుల నీటి లభ్యత, సాగు పరిస్థితులపై రైతులు ఆందోళన చెందుతున్నారు.