సిల్వర్‌స్టోన్‌లో సీఎం విజయ్-అజిత్ ప్రత్యేక భేటీ

తమిళనాడు ముఖ్యమంత్రి సి. జోసెఫ్ విజయ్ తన అధికారిక బ్రిటన్ పర్యటనలో భాగంగా ఇంగ్లండ్‌లోని ప్రసిద్ధ సిల్వర్‌స్టోన్ సర్క్యూట్‌లో నటుడు, రేసింగ్ ప్రియుడు అజిత్ కుమార్‌ను కలిశారు. తమిళనాడులో ప్రతిపాదించిన మోటార్ స్పోర్ట్స్ సిటీ కోసం సర్క్యూట్‌లోని ప్రపంచస్థాయి సౌకర్యాలు, నిర్వహణ విధానాలను పరిశీలించేందుకు విజయ్ ప్రత్యేక అతిథిగా అక్కడికి వెళ్లారు. ఈ సందర్భంగా అజిత్ పోటీపడుతున్న మిషెలిన్ లే మాన్స్ కప్ కార్ రేసును కూడా ఆయన ప్రారంభించారు. అజిత్ తన జట్టు అజిత్ రెడ్‌యాంట్ బై విరాజ్ తరఫున ఎల్‌ఎంపీ3 ప్రో/యామ్ విభాగంలో పోటీపడ్డారు.

కార్యక్రమానికి హాజరైన ముఖ్యమంత్రి విజయ్‌కు అజిత్ కృతజ్ఞతలు తెలిపారు. అంతర్జాతీయ మోటార్ స్పోర్ట్స్ పోటీలను భారత్‌లో నిర్వహించే అవకాశం రావాలని తన ఆకాంక్షను వ్యక్తం చేశారు. సిల్వర్‌స్టోన్ సర్క్యూట్‌లో వీరిద్దరి అరుదైన భేటీ అభిమానులు, మీడియా దృష్టిని ఆకర్షించింది. వీరి కలయికకు సంబంధించిన సమాచారం సోషల్ మీడియాలో ఆసక్తికర చర్చకు దారితీసింది.