మెటా ఇండియా హెడ్‌పై సైబర్ క్రైమ్ కేసు

ప్రధానికి సంబంధించిన ఏఐ మార్ఫింగ్ వీడియోలు సోషల్ మీడియాలో వైరల్ కావడంతో హైదరాబాద్ సైబర్ క్రైమ్ పోలీసులు మెటా ఇండియా హెడ్‌పై కేసు నమోదు చేశారు. ఫేస్‌బుక్, ఇన్‌స్టాగ్రామ్ వేదికలపై ఈ వీడియోలు విస్తృతంగా ప్రచారం కావడంతో అధికారులు దర్యాప్తు ప్రారంభించారు.

వీడియోలను రూపొందించిన వారు, వాటిని ప్రచారం చేసిన వారి వివరాలను గుర్తించేందుకు పోలీసులు డిజిటల్ ఆధారాలను సేకరిస్తున్నారు. సాంకేతిక విశ్లేషణ ఆధారంగా వీడియోల మూలాన్ని గుర్తించి, చట్టపరమైన చర్యలు తీసుకుంటామని అధికారులు తెలిపారు.