కేంద్ర బడ్జెట్ ఎఫెక్ట్, తొలిసారి ఆదివారం స్టాక్‌ మార్కెట్ వర్కింగ్

భారత ఆర్థిక చరిత్రలో కీలక ఘట్టంగా బడ్జెట్ 2026 (Union Budget 2026) వచ్చే నెల 1న వెలువడనుంది. కేంద్ర ఆర్థిక మంత్రి నిర్మలా సీతారామన్ లోక్‌సభలో ఉదయం 11 గంటలకు బడ్జెట్‌ను సమర్పించనున్నారు. ఇది స్వతంత్ర భారతంలో మొదటిసారి ఆదివారం బడ్జెట్ ప్రవేశపెట్టడం కావడం విశేషం. బడ్జెట్ విడుదలకు సంబంధించిన అన్ని ప్రధాన ప్రక్రియలు ఇప్పటికే పూర్తయినట్లు సమాచారం. ఆర్థిక సర్వే ఈ నెల 29 న విడుదల కానున్నప్పటికీ, దాని ఆధారంగా బడ్జెట్‌లో కీలక విధానాలు, కేటాయింపులు ఉంటాయని విశ్లేషకులు భావిస్తున్నారు.

బడ్జెట్ ప్రభావం దేశీయ స్టాక్ మార్కెట్లపై కూడా ప్రతికూలంగా కాకుండా ప్రత్యక్ష ప్రభావం చూపనుంది. సాధారణంగా ఆదివారాల్లో మూసి ఉండే బీఎస్‌ఇ, ఎన్‌ఎస్‌ఇ వచ్చే నెల 1 న ప్రత్యేకంగా ట్రేడింగ్ నిర్వహించనుండటం విశేషం. ఉదయం 9.15 గంటల నుంచి సాయంత్రం 3.30 గంటల వరకు మార్కెట్ కార్యకలాపాలు సాధారణ ట్రేడింగ్ విధంగా కొనసాగుతాయి. పన్నుల విధానం, మౌలిక వసతులు, క్యాపిటల్ మార్కెట్లకు సంబంధించిన ప్రకటనలు షేర్ మార్కెట్ దిశను నిర్ణయిస్తాయని నిపుణులు చెబుతున్నారు. ఈ బడ్జెట్ డే రాజకీయంగా కాక, ఆర్థికంగా కూడా అత్యంత కీలకంగా మారనుంది.