4 ఏళ్ల బ్రేక్ తరువాత భారత్ మార్కెట్‌లోకి రెనో డస్టర్

రెనో ఇండియా తన పాపులర్ మిడ్‌సైజ్ ఎస్‌యూవీ డస్టర్‌ను మళ్లీ భారత మార్కెట్‌లోకి తీసుకువచ్చింది. 2022లో డస్టర్‌ను ఉపసంహరించుకున్న కంపెనీ, తాజాగా ‘రెనో. రీథింక్’ వ్యూహంలో భాగంగా చెన్నైలో కొత్త తరం డస్టర్‌ను ఆవిష్కరించింది. ఈ సరికొత్త మోడల్‌ను హైబ్రిడ్ పవర్‌ట్రెయిన్‌తో పాటు రెండు కొత్త టర్బో ఇంజిన్ ఎంపికలతో పరిచయం చేసింది. డస్టర్ ధరలను ఈ ఏడాది మార్చిలో వెల్లడించనున్నట్లు రెనో తెలిపింది.

అలాగే ఏప్రిల్ ద్వితీయార్థం నుంచి టర్బో వేరియంట్ డెలివరీలను ప్రారంభించనుండగా, హైబ్రిడ్ వేరియంట్ల డెలివరీలు దీపావళి నుంచి ప్రారంభం కానున్నట్లు కంపెనీ వెల్లడించింది.