ఆంథ్రోపిక్‌ భయం.. కుప్పకూలిన ఐబీఎం షేర్లు

టెక్ దిగ్గజం ఐబీఎం షేర్లు భారీ పతనాన్ని చవిచూశాయి. ఒక్కరోజులోనే 13.2 శాతం వరకు క్షీణించి, గత 25 ఏళ్లలో కంపెనీకి ఇదే అతిపెద్ద రోజువారీ పడిపోవుగా నమోదైంది. ఆంథ్రోపిక్ సంస్థకు చెందిన క్లాడ్ ఏఐ టూల్, ఐబీఎం సిస్టమ్స్‌లో ఉపయోగించే ప్రోగ్రామింగ్ భాషను ఆధునికీకరించగలదని ప్రకటించడంతో మార్కెట్‌లో ప్రతికూల ప్రతిస్పందన కనిపించింది.

ప్రస్తుతం బ్యాంకింగ్, ఇన్సూరెన్స్, ప్రభుత్వ రంగ వ్యవస్థల్లో ఐబీఎం కోబాల్ ప్రోగ్రామింగ్ లాంగ్వేజ్ విస్తృతంగా ఉపయోగంలో ఉంది. ఈ లెగసీ సిస్టమ్స్‌ను ఆధునికీకరించేందుకు సాధారణంగా ఏళ్ల సమయం పాటు వేలాది మంది కన్సల్టెంట్ల సేవలు అవసరమవుతాయి. అయితే కొత్త ఏఐ పరిష్కారాలు ఈ ప్రక్రియను వేగవంతం చేయగలవన్న అంచనాలతో పెట్టుబడిదారుల్లో ఆందోళన పెరిగింది.